https://www.profitableratecpm.com/i049cyqrff?key=1e8d0b68d6836b7589273debd4b47b9f
మేషం (అశ్విని, భరణి, కృత్తిక 1): ఆదాయం దిన దినాభివృద్ధి చెందుతుంది. ఎంత ఎక్కువగా ఆదాయ ప్రయత్నాలు చేపడితే అంత మంచిది. ఉద్యోగపరంగా అనేక లాభాలు కలుగుతాయి. పదోన్నతికి, వేతనాలు పెరుగుదలకు అవకాశం ఉంటుంది. ఆకస్మిక ధన లాభానికి కూడా అవకాశం ఉంది. పేరు ప్రఖ్యాతులు వృద్ధి చెందుతాయి. లాభదాయక పరిచయాలు ఏర్పడతాయి. జీవిత భాగస్వామితో కొద్దిగా విభేదాలు, వివాదాలు తలెత్తే అవకాశం ఉంది. దాంపత్య జీవితంలో సుఖ సంతోషాలు కొద్దిగా తగ్గే సూచనలున్నాయి. అనవసర పరిచయాలకు, వ్యసనాలకు దూరంగా ఉండడం మంచిది. ఆర్థిక సంబంధమైన ఒత్తిళ్ల నుంచి, అనారోగ్యాల నుంచి విముక్తి లభిస్తుంది. వృథా ఖర్చుల విషయంలో జాగ్రత్తగా ఉండాలి. వృత్తి, వ్యాపారాలు వృద్ధి చెందుతాయి. నిరుద్యోగులకు ఉద్యోగం లభిస్తుంది.
వృషభం (కృత్తిక 2,3,4, రోహిణి, మృగశిర 1,2): సమాజంలో గౌరవ మర్యాదలకు, రాజపూజ్యాలకు లోటుండదు. మీ సలహాలు, సూచనలు వల్ల బంధుమిత్రులకు ఉపయోగం ఉంటుంది. ప్రముఖులతో పరిచయాలు పెరుగుతాయి. ఆదాయంతో సమానంగా ఖర్చులుంటాయి. మిత్రుల కారణంగా కొంత సొమ్ము నష్టపోయే అవకాశం కూడా ఉంటుంది. ఆస్తి, వ్యాపార ఒప్పందాలు కుదర్చుకునే ముందు బాగా ఆలోచించడం మంచిది. ఎవ రినీ గుడ్డిగా నమ్మవద్దు. ఉద్యోగ జీవితం సాఫీగా, హ్యాపీగా సాగిపోతుంది. వృత్తి, వ్యాపారాలు ఆశిం చిన స్థాయిలో రాబడిని పెంచుతాయి. జీవిత భాగస్వామితో వాదోపవాదాలకు దిగడం వల్ల ఇబ్బంది పడతారు. స్వల్ప అనారోగ్యానికి అవకాశం ఉంది. కుటుంబ సభ్యులతో దైవ కార్యాల్లో పాల్గొంటారు. బంధువులతో కొద్దిగా అపార్థాలు తలెత్తుతాయి. పిల్లల నుంచి శుభవార్తలు వింటారు.
మిథునం (మృగశిర 3,4, ఆర్ద్ర, పునర్వసు 1,2,3): ఆర్థిక పరిస్థితి ఒకపక్క మెరుగుపడుతుండగా, మరొక పక్క వృథా ఖర్చులు పెరుగుతుంటాయి. ఉచిత సహాయాలు, దాన ధర్మాలకు ప్రస్తుతానికి దూరంగా ఉండడం మంచిది. కుటుంబ జీవి తంలో సుఖ సంతోషాలకు లోటుండదు. గృహ నిర్మాణం మీద శ్రద్ధ పెడతారు. వాహన యోగానికి అవకాశం ఉంది. ఉద్యోగులకు, నిరుద్యోగులకు విదేశీ ఆఫర్లు అందుతాయి. అనుకున్న పనులు అనుకున్నట్టు పూర్తవుతాయి. ఏ ప్రయత్నం తలపెట్టినా విజయవంతం అవుతుంది. ఉద్యోగంలో మీ సమర్థతను, ప్రతిభను అధికారులు గుర్తిస్తారు. అయితే, సహోద్యోగులలో అసూయ బాగా పెరిగే అవకాశం ఉంది. ఆదాయానికి, ఆరోగ్యానికి లోటుండదు. పిల్లలు బాగా వృద్ధిలోకి వస్తారు. సంతాన యోగానికి అవకాశం ఉంది. ఉన్నత స్థాయి వ్యక్తులతో సన్నిహిత సంబంధాలు ఏర్పడతాయి.
కర్కాటకం (పునర్వసు 4, పుష్యమి, ఆశ్లేష): వృత్తి, వ్యాపారాలు లాభదాయకంగా సాగిపోతాయి. ఉద్యోగ జీవితంలో హోదాలు పెరగడానికి బాగా అవకాశం ఉంది. సర్వత్రా గౌరవ మర్యాదలకు లోటుండదు. ఇంటా బయటా అనుకూలతలు పెరు గుతాయి. ఆర్థిక, వ్యక్తిగత, ఆరోగ్య సమస్యలు చాలా వరకు పరిష్కారం అవుతాయి. నిరుద్యోగు లకు బాగా దూర ప్రాంతంలో ఉద్యోగం లభించే అవకాశం ఉంది. పెళ్లి ప్రయత్నాలు, ప్రేమ వ్యవ హారాలు విజయవంతం అవుతాయి. ఆస్తి వ్యవహారాలు, వివాదాలు సానుకూలంగా పరిష్కారం అవుతాయి. ఆర్థిక విషయాల్లో ఆచితూచి వ్యవహరించడం మంచిది. డబ్బు ఇవ్వడం, తీసుకో వడం మంచిది కాదు. సాధారణంగా ఎటువంటి ప్రయత్నమైనా విజయవంతం అవుతుంది. రాదనుకున్న డబ్బు కొద్ది ప్రయత్నంతో వసూలు అవుతుంది. ఆరోగ్యం అనుకూలంగా ఉంటుంది.
సింహం (మఖ, పుబ్బ, ఉత్తర 1): ఉద్యోగపరంగా లాభాలు కలుగుతాయి. ఉద్యోగంలో స్థిరత్వం లభిస్తుంది. అయితే, పనిభారం కొద్దిగా ఎక్కువగా ఉంటుంది. వృత్తి, వ్యాపారాలు లాభాలపరంగా నిలకడగా, స్థిరంగా సాగిపోతాయి. అద నపు ఆదాయ మార్గాల మీద శ్రమ పెరిగినప్పటికీ ఆశించిన ఫలితాలను పొందుతారు. ఆదాయా నికి, ఆరోగ్యానికి ఇబ్బందేమీ ఉండకపోవచ్చు. కుటుంబ జీవితం సుఖసంతోషాలతో సాగిపోతుంది. నష్టదాయక వ్యవహారాలను, వృథా ఖర్చుల్ని తగ్గించుకోవాల్సిన అవసరం ఉంది. ఇంటా బయటా ప్రతి పనిలోనూ, ప్రతి వ్యవహారంలోనూ శ్రమ, ఒత్తిడి, వ్యయ ప్రయాసలుంటాయి. ఆర్థిక విష యాల్లో ఎవరినీ గుడ్డిగా నమ్మకపోవడం మంచిది. బంధువుల విషయాల్లో జోక్యం చేసుకోవద్దు. కొందరు బంధువులతో అకారణ విభేదాలు తప్పకపోవచ్చు. నిరుద్యోగులకు ఉద్యోగం లభిస్తుంది.
కన్య (ఉత్తర 2,3,4, హస్త, చిత్త 1,2): ఆదాయం ఇబ్బడిముబ్బడిగా పెరుగుతుంది. ముఖ్యమైన ఆర్థిక అవసరాలు తీరిపోతాయి. ఆర్థిక సమస్యల నుంచి చాలావరకు బయటపడతారు. ఆదాయ వృద్ధికి సంబంధించి ఏ ప్రయత్నం తల పెట్టినా విజయం సాధిస్తారు. కుటుంబ జీవితం సుఖంగా సాగిపోతుంది. మిత్రుల మీదా, విందులు, వినోదాల మీదా ఖర్చు బాగా పెరిగే అవకాశం ఉంది. ఉద్యోగులకు, నిరుద్యోగులకు మంచి ఆఫర్లు అందుతాయి. విదేశీయానానికి ఆటంకాలు తొలగిపోతాయి. పెళ్లి ప్రయత్నాల్లో విదేశీ సంబంధం కుదిరే అవకాశం ఉంది. తండ్రి వైపు నుంచి సహాయ సహకారాలు లభిస్తాయి. వృత్తి, ఉద్యోగ, వ్యాపారాలు సానుకూలంగా సాగిపోతాయి. ఆరోగ్యం మీద శ్రద్ధ పెట్టడం మంచిది. ఒకటి రెండు వ్యక్తిగత సమస్యలు పరిష్కారం అవుతాయి. ప్రస్తుతానికి ఆరోగ్యానికి ఇబ్బందేమీ ఉండకపోవచ్చు.
తుల (చిత్త 3,4, స్వాతి, విశాఖ 1,2,3): సామాజికంగా గౌరవ మర్యాదలకు, పేరు ప్రతిష్ఠలకు లోటుండదు. ప్రముఖులతో పరిచయాలు వృద్ధి చెందుతాయి. ఆరోగ్యం బాగా మెరుగ్గా ఉంటుంది. వ్యక్తిగత సమస్యలు చాలావరకు పరి ష్కారం అవుతాయి. కష్టార్జితంలో ఎక్కువ భాగం ఏదో విధంగా వృథా అయ్యే అవకాశం ఉంది. ఆర్థిక సంబంధమైన ఒప్పందాలు కుదర్చుకోవడానికి ఇది సమయం కాదు. ఆధ్యాత్మిక విషయాల మీద, తీర్థయాత్రల మీద శ్రద్ధ పెరుగుతుంది. కొందరు మిత్రుల వల్ల ఆర్థికంగా నష్టపోయే అవకాశం ఉంది. అదనపు ఆదాయ ప్రయత్నాలు యథాతథంగా సాగిపోవడం మంచిది. వృత్తి, ఉద్యోగ, వ్యాపారాల్లో తప్పటడుగులు వేయడం, పొరపాట్లు చేయడం జరుగుతుంది. ఇతరుల వ్యవహారాల్లో జోక్యం చేసుకోవద్దు. చేపట్టిన వ్యవహారాలు, పనులు సజావుగా, సంతృప్తికరంగా సాగిపోతాయి.
వృశ్చికం (విశాఖ 4, అనూరాధ, జ్యేష్ట): అనుకోకుండా మంచి పెళ్లి సంబంధం కుదురుతుంది. కుటుంబ జీవితం ఉత్సాహంగా సాగిపో తుంది. ప్రేమ వ్యవహారాల్లో విజయాలు సాధిస్తారు. ఉద్యోగంలో పనిభారం ఎక్కువగా ఉంటుంది. వృత్తి, వ్యాపారాలు సామాన్య లాభాలతో సాగిపోతాయి. ఆహార, విహారాల్లో జాగ్రత్తగా ఉండడం మంచిది. శారీరక ఒత్తిడితో పాటు మానసిక ఒత్తిడి కూడా ఎక్కువగా ఉంటుంది. వృథా ఖర్చులు, నష్టదాయక వ్యవహారాల విషయంలో అప్రమత్తంగా ఉండడం మంచిది. ఇంటా బయటా గౌరవ మర్యాదలకు లోటుండదు. ప్రయాణాల్లో మంచి పరిచయాలు ఏర్పడతాయి. చిన్ననాటి మిత్రుల నుంచి శుభ కార్య ఆహ్వానాలు అందుతాయి. అదనపు ఆదాయ ప్రయత్నాలు కొద్దిపాటి ఫలితాల నిస్తాయి. కుటుంబంతో కలిసి ఇష్టమైన ఆలయాలను సందర్శిస్తారు. చేపట్టిన పనులన్నీ పూర్తి చేస్తారు.
ధనుస్సు (మూల, పూర్వాషాఢ, ఉత్తరాషాఢ 1): ఆదాయం దిన దినాభివృద్ధి చెందుతుంది. ఖర్చులు తగ్గించుకుని పొదుపు, మదుపు మార్గాలను అనుసరిస్తారు. షేర్లు, స్పెక్యులేషన్లలో కూడా పెట్టుబడులు పెట్టే అవకాశం ఉంది. అనవసర పరి చయాలకు, వ్యసనాలకు వీలైనంత దూరంగా ఉండడం మంచిది. కొందరు మిత్రులు పక్కదోవ పట్టించే అవకాశం ఉంది. ఉద్యోగంలో ప్రాధాన్యం, ప్రాభవం బాగా వృద్ధి చెందుతాయి. హోదాలు పెరిగే అవకాశం ఉంది. వృత్తి, వ్యాపారాలు లాభాలపరంగా దూసుకుపోతాయి. ప్రభుత్వం నుంచి గుర్తింపు లభిస్తుంది. ప్రభుత్వ ఉద్యోగ ప్రయత్నాలు సఫలం అవుతాయి. ముఖ్యంగా నిరుద్యోగు లకు ఉద్యోగ యోగం పడుతుంది. వ్యక్తిగత సమస్య ఒకటి పరిష్కారం అవుతుంది. ఆస్తి వివాదం విషయంలో శుభవార్త వింటారు. ఆర్థిక విషయాలను ఎవరితోనూ పంచుకోకపోవడం మంచిది.
మకరం (ఉత్తరాషాఢ 2,3,4, శ్రవణం, ధనిష్ట 1,2): ఆదాయం నిలకడగా సాగిపోతుంది. అవసరానికి తగ్గట్టుగా డబ్బు అందుతుంది. ఉద్యోగమూలక ధన లాభం కూడా ఉంటుంది. వృత్తి, వ్యాపారాలు నిలకడగా సాగిపోతాయి. కుటుంబ జీవితం సుఖ సంతోషాలతో గడిచిపోతుంది. ఇంటికి బంధువుల రాకపోకలుంటాయి, ఉన్నత స్థాయి వ్యక్తులతో పరిచయాలు వృద్ధి చెందుతాయి. తండ్రి వైపు వారి నుంచి ఆస్తి కలిసి వచ్చే అవకాశం ఉంది. ప్రభుత్వం నుంచి ఆశించిన గుర్తింపు లభిస్తుంది. తీర్థయాత్రలు లేదా విహార యాత్రలు చేయడానికి అవకాశం ఉంది. నిరుద్యోగులకు విదేశాల నుంచి కూడా ఆఫర్లు అందుతాయి. పెళ్లి ప్రయత్నాలు సానుకూలపడతాయి. ముఖ్యమైన పనులు, వ్యవహారాలు నిదానంగా పూర్తవుతాయి. ఆరోగ్యం సానుకూలంగా సాగిపోతుంది. ఆర్థిక లావాదేవీలకు వీలైనంత దూరంగా ఉండడం మంచిది.
కుంభం (ధనిష్ట 3,4, శతభిషం, పూర్వాభాద్ర 1,2,3): ఉద్యోగులు, నిరుద్యోగులకు మంచి ఆఫర్లు అందుతాయి. ఆర్థికంగా ఆశించిన పురోగతి ఉంటుంది. కుటుంబంలో కొన్ని ఆకస్మిక శుభ పరిణామాలు చోటు చేసుకుంటాయి. ఉద్యోగ జీవితంలో కొద్దిగా ఒడిదుడుకులున్నప్పటికీ వాటిని అధిగమిస్తారు. అధికారులు కొత్త బాధ్యతలు అప్పగించే అవ కాశం ఉంది. వృత్తి, వ్యాపారాలు నిలకడగా సాగిపోతాయి. ధనపరంగా ఎవరికీ వాగ్దానాలు చేయ డం, హామీలు ఉండడం చేయవద్దు. ఆర్థిక వ్యవహారాలు ఆశాజనకంగా సాగిపోతాయి. అనుకున్న సమయానికి కొన్ని ముఖ్యమైన పనులు పూర్తి చేస్తారు. పెళ్లి ప్రయత్నాల్లో విదేశీ సంబంధం కుదిరే అవకాశం ఉంది. ప్రేమ వ్యవహారాలు సవ్యంగా, సానుకూలంగా సాగిపోతాయి. పిల్లల చదు వుల మీద శ్రద్ధ పెట్టడం మంచిది. ఇంటా బయటా శ్రమ, తిప్పట కాస్తంత ఎక్కువగా ఉంటాయి.
మీనం (పూర్వాభాద్ర 4, ఉత్తరాభాద్ర, రేవతి): ఆదాయ ప్రయత్నాలు సత్ఫలితాలనిస్తాయి. ఆకస్మిక ధన లాభానికి కూడా బాగా అవకాశం ఉంది. మొత్తం మీద ఆదాయానికి లోటుండదు. ముఖ్యమైన వ్యవహారాలు తీరిపోతాయి. కుటుంబ జీవితం హ్యాపీగా, సాఫీగా సాగిపోతుంది. ఇంటా బయటా మాటకు విలువ పెరుగుతుంది. వృత్తి, వ్యాపారాలు కొత్త పుంతలు తొక్కుతాయి. ఉద్యోగంలో అధికారులతో జాగ్రత్తగా ఉండడం మంచిది. విదేశీయానానికి మార్గం సుగమం అవుతుంది. నిరుద్యోగులకు విదేశాల్లో ఉద్యోగం లభించే అవ కాశం ఉంది. పెళ్లి ప్రయత్నాల్లో విదేశీ సంబంధం కుదురుతుంది. అనారోగ్యాల నుంచి కొద్దిపాటి ఉపశమనం లభిస్తుంది. తండ్రితో అభిప్రాయభేదాలు ఏర్పడతాయి. ఆర్థిక విషయాల్లో అప్రమత్తంగా ఉండడం మంచిది. మంచి పరిచయాలు ఏర్పడతాయి. బంధువులకు సహాయంగా నిలబడతారు.
