ఆ వ్యక్తికి మొన్నే పెళ్లైంది. అతడు అనుకున్నట్టే అందమైన అమ్మాయి తనకు భార్యగా వచ్చింది. పెళ్లైన తర్వాతి రోజే వారిద్దరి ఫస్ట్ నైట్‌కి ఏర్పాట్లు చేశారు. కానీ అతడికి తెలియని విషయమేమిటంటే.. ఆ రోజే వధువు ఓ కన్నింగ్ ప్లాన్ వేసింది. దానితో వరుడి సీన్ కాస్తా చిరిగి చాటయ్యింది. ఈ ఘటన ఉత్తరప్రదేశ్‌లోని సోన్‌భద్రలో జరిగింది. వివరాల్లోకి వెళ్తే.. బబ్హాని పోలీస్ స్టేషన్ పరిధిలో మే 27న ఓ అమ్మాయి వివాహం జరిగింది. అప్పటికి ఆ అమ్మాయి వివాహం జరిగి కొన్ని గంటలు మాత్రమే గడిచాయి. అంతలోనే వధువు తన అత్తమామలకు షాక్‌కు గురి చేసింది. ఫస్ట్ నైట్ రోజున నవవధువు తన ప్రియుడికి ఫోన్ చేసింది. తాను కొద్దిక్షణాల్లోనే తిరిగి వస్తానని వరుడికి చెప్పి.. అక్కడ నుంచి బయటకొచ్చి.. తన ప్రియుడితో బైక్‌పై పారిపోయింది నవవధువు.
ఈ విషయం తెలుసుకున్న వరుడు, అతని కుటుంబ సభ్యులు దెబ్బకు ఆశ్చర్యపోయారు. ఈ విషయాన్ని వెంటనే వధువు కుటుంబ సభ్యులకు తెలియజేశాడు. దీనిపై ఇరువర్గాల మధ్య పెద్ద గోడవైంది. ఇది వధువు, ఆమె ప్రియుడికి తెలియడంతో.. అతడే స్వయంగా వధువును ఆమె తల్లిదండ్రుల ఇంటికి తిరిగి తీసుకొచ్చాడు. కానీ ఆ తర్వాతే వధువు తాను ప్రియుడితో కలిసి జీవించాలని పట్టుబట్టింది. ఈ అంశంపై ఓ పరిష్కారం రాకపోగా.. చివరికి గొడవ పంచాయితీకి చేరింది. కాగా, పంచాయితీలో వివాహానికి ఖర్చైన దాదాపు మూడు లక్షల రూపాయల ఖర్చును వధువు లవర్ పెట్టాలని పెద్దలు తీర్పునిచ్చారు. అయితే వధువు లవర్.. ఆ ఖర్చులను భరించలేమని.. అంత పెద్ద మొత్తాన్ని వెంటనే చెల్లించడం సాధ్యం కాదని అన్నారు. దీంతో వరుడి తరపువారు పోలీసులకు ఫిర్యాదు చేశారు. ఈ విషయంలో చర్యలు తీసుకోవాలని డిమాండ్ చేస్తూ పోలీస్ స్టేషన్‌లో పిటిషన్ దాఖలు చేశారు.
ఇవి కూడా చదవండి
మరిన్ని ట్రెండింగ్ న్యూస్ కోసం క్లిక్ చేయండి..
