https://www.profitableratecpm.com/i049cyqrff?key=1e8d0b68d6836b7589273debd4b47b9f
విజయ్ దేవరకొండ కెరీర్‌కు ఎవరి దిష్టో బాగా బలంగా తగిలేసింది. కెరీర్ మొదట్లో రాకెట్‌లా దూసుకుపోయిన రౌడీ బాయ్‌.. ఆ తర్వాత జోరు తగ్గించారు. భారీ అంచనాలతో వచ్చిన సినిమాలన్నీ బెడిసికొడుతున్నాయి.
ఖుషీ ఓకే అనిపించిందని ఆనందించేలోపే.. ఫ్యామిలీ స్టార్ దెబ్బ పడిపోయింది. అయితే ఈ మధ్యే కల్కిలో అర్జునుడిగా మెరిసారు విజయ్. ఫ్యామిలీ స్టార్ తర్వాత విజయ్ దేవరకొండలో మార్పులు భారీగానే కనిపిస్తున్నాయి.
గతంలో లైగర్ చేస్తున్నపుడే ఖుషీ.. అది సెట్స్‌పై ఉన్నపుడే గౌతమ్ సినిమా.. అది పూర్తవ్వక ముందే ఫ్యామిలీ స్టార్‌కి ఓకే చెప్పారు విజయ్. ఇకపై ఈ కన్ఫ్యూజన్స్ వద్దు.. ఒక్కసారి ఒక్క సినిమా మాత్రమే అంటున్నారు.
ఇప్పటికే 2 సినిమాలు ఫైనల్ అయినా.. నిదానమే ప్రధానం అంటున్నారు. గౌతమ్ తిన్ననూరి సినిమాలో పోలీస్‌గా నటిస్తున్నారు విజయ్. ఇది పూర్తయ్యాక రాహుల్ సంక్రీత్యన్ సినిమా సెట్స్‌పైకి రానుంది.
ప్రస్తుతం ఈ చిత్ర సెట్ వర్క్ మొదలైంది. మైత్రి మూవీ మేకర్స్ నిర్మిస్తున్న ఈ సినిమా 18వ శతాబ్ధపు కథతో తెరకెక్కనుంది. ఇక రవికిరణ్ కోలా సినిమా పూర్తిగా రూరల్ బ్యాక్‌డ్రాప్‌లో రానుంది. దిల్ రాజు ఈ సినిమాకు నిర్మాత.
