https://www.profitableratecpm.com/i049cyqrff?key=1e8d0b68d6836b7589273debd4b47b9f
కడుపులో ఏదైనా సమస్య ఉంంటే వైద్యులు మొదట సూచించేది అల్ట్రాసౌండ్ లేదా సోనో గ్రఫీ స్కాన్. అయితే ఈ స్కాన్ చేసే సమయంలో చర్మంపై జెల్‌ను అప్లై చేయడాన్ని గమనించే ఉంటాం. ఇంతకీ ఈ జెల్‌ను ఎందుకు అప్లై చేస్తారో ఎప్పుడైనా ఆలోచించారా.?
అల్ట్రాసౌండ్ అనేది శరీరం లోపల ఉండే భాగాలను స్పష్టంగా చూసేందుకు ఉపయోగించే మిషిన్‌. ఇందుకోసం సోనార్, రేడియో టెక్నాలజీని ఉపయోగిస్తారు. అయితే ఈ స్కాన్ చేసే ముందు శరీరంపై అప్లై చేసే జెల్‌కు ఎంతో ప్రాముఖ్యత ఉంటుంది.
ఈ జెల్ అల్ట్రా స్కానర్‌లోని ట్రాన్స్డ్యూసర్ కదలడానికి ఉపయోగపడుతుంది. ఇది మిషిన్‌కు చర్మానికి మధ్య ఉన్న చిన్న గాలి కణాలను పూర్తిగా తొలగిస్తుంది. మిషిన్‌కు, శరీరానికి మధ్య గాలి ఉండడం వల్ల స్కాన్ సరిగ్గా జరగదు. అందుకే ఈ జెల్‌ను ఉపయోగిస్తారు.
ఈ జెల్‌ను నీరు, ప్రొపైలిన్‌ గ్లైకాలత్‌తో తయారు చేస్తారు. ఇది చర్మంపై ఎలాంటి సైడ్ ఎఫెక్ట్స్‌ పడకుండా చూస్తుంది. రేడియాలజిస్ట్‌ల ప్రకారం జెల్‌లో ఎలాంటి విషపూరితమైన పదార్థాలు ఉండదు. కేవలం గాలిని తొలగించడమే కాకుండా ట్రాన్స్డ్యూసర్ సెన్సార్‌ చర్మంపై సులభంగా కదిలేలా చేస్తుంది.
ఇంతకీ అల్ట్రాసౌండ్ ఎలా పనిచేస్తుందనేగా. ట్రాన్స్డ్యూసర్ సెన్సర్‌లోని తరంగాలు మొదట నేరుగా కడుపులోకి వెళ్తాయి. అనంతరం ఈ తరంగాలు నేరుగా శరీరంలోని కణజాలాన్ని తాకి, ప్రోబ్‌కి తిరిగి వస్తాయి. తరంగాలు తాకిన చోటు ఆధారంగా డిజిటల్ స్క్రీన్‌పై ఆ అవయవాల రూపంలో డిస్‌ప్లే అవుతాయి.
