సుడిగాలి సుధీర్ హోస్ట్ గా ఆహా ఓటీటీలో స్ట్రీమింగ్ అవుతోన్న సర్కార్ సీజన్ 5 సక్సెస్ ఫుల్ గా రన్ అవుతోంది. సుధీర్ హోస్టింగ్ , సెలబ్రిటీల ఆటా పాటలతో ఈ గేమ్ షోకు ఓటీటీలో టాప్ రేటింగ్స్ వస్తున్నాయి. జూన్ 6 నుంచి సర్కార్ సీజన్ 5 ప్రారంభం కాగా ఇప్పటివరకు ఎనిమిది ఎపిసోడ్లు పూర్తయ్యాయి. ఈ శుక్రవారం (ఆగస్టు 01) తొమ్మిదో ఎపిసోడ్ స్ట్రీమింగ్ కు రానుంది. కామాక్షి భాస్కర్ల, దక్ష నగార్కర్, కోమలి ప్రసాద్, హర్ష్ రోహన్, శ్రీదేవి, వాసంతిక, యాదమ్మ రాజు, బమ్ చిక్ బబ్లూ, హీరో విజయ్ ఆంటోని, బ్రిగిడా, గెటప్ శీను, ఆటో రామ్ ప్రసాద్, ప్రియాంక జైన్, కావ్య శ్రీ, దీపికా రంగారావు సింగర్ సమీరా.. ఇలా ఎందరో సెలబ్రిటీలు సర్కార్ గేమ్ లో సందడి చేశారు. తమ ఆట పాటలతో ఆడియెన్స్ ను అలరించారు. ఇక సర్కార్ సీజన్ తొమ్మిదో ఎపిసోడ్ మరింత ప్రత్యేకం కానుంది. ఎందుకంటే ఈ ఎపిసోడ్ లో మెగా డాటర్ నిహారిక కనిపించనుంది. ఆమెతో పాటు హీరో నవదీప్, గతంలో ఇదే షోకు హోస్ట్ గా వ్యవహరించిన యాంకర్ ప్రదీప్, హీరోయిన్ చాందినీ చౌదరీలు రాబోయే ఎపిసోడ్ లో సందడి చేయనున్నారు. ఇప్పటికే ఈ ఎపిసోడ్ కు సంబంధించిన ప్రోమో రిలీజ్ కాగా అభిమానుల నుంచి సూపర్బ్ రెస్పాన్స్ వచ్చింది.
ముఖ్యంగా మెగాస్టార్ చిరంజీవి పాటలకు సుధీర్, నిహారిక కలిసి వేసిన స్టెప్పులు మెగాభిమానులను ఆకట్టుకుంటున్నాయి. ఇక ఎప్పటిలాగే నవదీప్ జోకులు, ప్రదీప్ పంచులు కూడా ఈ ఎపిసోడ్ లో హైలెట్ గా నిలవనున్నాయి. ముఖ్యంగా చాలా రోజుల తర్వాత ఒకే ఫ్రేమ్ లో కనిపించి ఆడియెన్స్ ను ఎంటర్ టైన్ చేశారు సుధీర్, ప్రదీప్. దీంతో ఈ ఎపిసోడ్ కోసం ఓటీటీ ఆడియెన్స్ ఎంతో ఆసక్తిగా ఎదురుచూస్తున్నారు. ఈ మెగా ఎపిసోడ్ శుక్రవారం సాయంత్రం 7 గంటలకు స్ట్రీమింగ్ కు రానుంది.
ఇవి కూడా చదవండి
సామాన్యూలకు ఛాన్స్..
కాగా ఆహా సర్కార్ సీజన్ షోలో సాధారణ ప్రేక్షకులు కూడా పాల్గొనే సువర్ణావకాశాన్ని కల్పించారు. అది కూడా ఇంటి నుంచే. ఇందుకోసం ఆహాలో ఈ గేమ్ షో చూస్తూ డిస్ ప్లే అయ్యే క్యూఆర్ కోడ్ ను స్కాన్ చేసి మీకు పంపిన ప్రశ్నలకు సరైన సమాధానాలు వాట్సాప్ ద్వారా పంపితే చాలు.. స్పోర్ట్స్ బైక్ లాంటి సర్ ప్రైజ్ గిఫ్ట్ లు గెల్చుకోవచ్చు.
మరిన్ని సినిమా వార్తల కోసం ఇక్కడ క్లిక్ చేయండి.
