https://www.profitableratecpm.com/i049cyqrff?key=1e8d0b68d6836b7589273debd4b47b9f
కొందరు హీరోయిన్లు ఏం మాట్లాడినా సంచలనమే. కొన్నిసార్లు వాళ్ల మౌనం కూడా ఏదో చెప్పినట్లే ఉంటుంది. అలాంటి వాళ్లలో సమంత అందరికంటే ముందుంటారు. తాజాగా ఈమె సోషల్ మీడియాలో పెట్టిన ఓ పోస్ట్ బాగా వైరల్ అవుతుంది. అందులో కాబోయే వాడు, పిల్లలు అంటూ చాలా మ్యాటర్ ఉంది. మరి ఆమె ఏం పోస్ట్ చేసారు..? దాని వెనక కథేంటి..?
సమంత ప్రస్తుతం సినిమాలను కాదని వెబ్ సిరీస్‌లతో తెగ బిజీ అయిపోయారు. ఈమె తీరు చూస్తుంటే ఇప్పట్లో టాలీవుడ్ వైపు చూసేలా, హైదరాబాద్ వచ్చేలా కూడా కనిపించట్లేదు. అన్నీ ముంబైలోనే అంటూ అక్కడే తన మకాం పెట్టేసారు స్యామ్.
అయితే సోషల్ మీడియాలో మాత్రం ఎప్పటికప్పుడు ఆసక్తికరమైన పోస్టులు పెడుతుంటారీమె. ఇప్పుడూ ఇదే చేసారు. సమంత ఇన్‌స్టా స్టోరీ తెగ వైరల్ అవుతుందిప్పుడు. ఓ ఏడాది నువ్వు గెలవొచ్చు.. ఓ ఏడాది నీ కారెక్టర్ గెలవొచ్చు అంటూ ఆసక్తికరమైన పోస్ట్ చేసారు స్యామ్.
అక్కడితో ఆగలేదు.. 2025 ప్రెడిక్షన్ కూడా ఇచ్చారు. వచ్చే ఏడాది నువ్వు బిజీగా ఉండొచ్చు.. నీ వృత్తిలో అభివృద్ధితో పాటు డబ్బు సంపాదించొచ్చు.. నమ్మకమైన ప్రేమించే వాడు రావచ్చు.. పిల్లలు కూడా నీ లైఫ్‌లోకి రావచ్చంటూ ఇంట్రెస్టింగ్ పోస్ట్ చేసారు సమంత.
మూడు రాశులకు సంబంధించిన పోస్ట్ ఇది. వృషభం, వృశ్చికం, కన్యారాశి వాళ్లను ఉద్దేశిస్తూ ఈ పోస్ట్ చేసారు స్యామ్. అందులో ప్రేమించే వాడు కావాలి, పిల్లలు కూడా కావాలి అంటూ రాసుకొచ్చారు. నాగ చైతన్య, శోభిత పెళ్లి అయిన వారం రోజులు కూడా కాకముందే.. సమంత నుంచి ఈ పోస్ట్ రావడంతో సోషల్ మీడియాలో గాసిప్స్‌కు రెక్కలొస్తున్నాయి. మరి చూడాలిక.. ఈ మ్యాటర్ ఏ మలుపు తిరుగుతుందో..?
