హిందూమతంలో వాస్తుకు అత్యంత ప్రముఖ్యతనిస్తారు. ప్రతి ఇంటికి వాస్తు ప్రభావం కారణంగానే లాభనష్టాలు, సుఖ సంతోషాలు ఆధారపడి ఉంటాయని నమ్ముతారు. ఇంటికి సానుకూల శక్తి, శ్రేయస్సును పెంచడానికి వాస్తు శాస్త్రంలో అనేక నివారణలు సూచించబడ్డాయి. ఈ శక్తివంతమైన నివారణలలో ఒకటి వెండి నెమలి. ఇది వాస్తు దోషాన్ని తొలగించడమే కాకుండా, లక్ష్మీ దేవి ఆశీర్వాదాలను కూడా ఆకర్షిస్తుంది. వెండి నెమలి మీ ఇంటిని వాస్తుకు అనుగుణంగా, సంపన్నంగా ఎలా చేయగలదో ఇక్కడ తెలుసుకుందాం.
వెండి నెమలిని వాస్తు శాస్త్రంలో శుభ చిహ్నంగా పరిగణిస్తారు. ఇది శ్రేయస్సు, శక్తిని సూచించే శ్రీమహా లక్ష్మీ, ఆ కార్తికేయతో ముడిపడి ఉంది. అందుకే ఇంట్లో వెండి నెమలి ప్రతికూల శక్తిని తొలగించి ఇంట్లో సానుకూలతను వ్యాపింపజేస్తుంది. సరైన స్థలంలో ఉంచడం వల్ల వాస్తు దోషం తగ్గుతుంది. సంపద, ఆనందం, శాంతిని ఆకర్షిస్తుంది. అంతేకాదు..వెండి నెమలి శుక్ర గ్రహం, చంద్రునికి సంబంధించినది. కాబట్టి శుక్రుడు ప్రేమ, ఐశ్వర్యం, శ్రేయస్సుకు కారకుడుగా చెబుతారు. అలాగే, చంద్రుడు మనశ్శాంతిని పెంచుతాడు. అందుకే ఇంట్లో వెండి నెమలి ఉంచడం వల్ల ఇంటికి అందం, అదృష్టాన్ని తెస్తుంది.. లక్ష్మీ దేవిని ప్రసన్నం చేసుకోవడానికి దీనిని పూజా స్థలంలో లేదా ఇంట్లో ఒక ప్రముఖ ప్రదేశంలో ఉంచుతారు. ఇది కుటుంబంలో సామరస్యాన్ని, ఆర్థిక స్థిరత్వాన్ని పెంపొందిస్తుందని కూడా వాస్తు శాస్త్ర నిపుణులు చెబుతున్నారు.
వాస్తు శాస్త్రం ప్రకారం, వెండి నెమలి విగ్రహాన్ని ఈశాన్యం వైపు ఉంచడం మంచిది. ఈ దిశ అత్యంత పవిత్రమైనదిగా పరిగణించబడుతుంది. ఈ దిశలో వెండి నెమలిని ఉంచడం వల్ల ఇంట్లో ఆనందం, శాంతి శ్రేయస్సుని తీసుకు వస్తుంది. సంపద పెరుగుదలకు చిహ్నంగా పరిగణించబడుతుంది. నెమలి విగ్రహాన్ని కొనుగోలు చేసేటప్పుడు నెమలి నృత్యం చేస్తునట్టు లేదా కదిలే స్థితిలో ఉండే విగ్రహాన్ని కొనుగోలు చేస్తే మంచిది. ఇది సానుకూల శక్తిని తీసుకువస్తుంది. ఇది వాస్తు దోషాన్ని తగ్గిస్తుంది. లక్ష్మీదేవి ఆశీర్వాదాలను ఆకర్షిస్తుంది.
ఇవి కూడా చదవండి
వాస్తు దోషం కారణంగా ఇంట్లో ఆర్థిక సంక్షోభం, కుటుంబ అశాంతి ఉంటే, వెండి నెమలి ప్రభావవంతమైన నివారణ. ఇది ప్రతికూల శక్తిని గ్రహిస్తుంది. ఇంటి వాతావరణాన్ని శుద్ధి చేస్తుంది. ముఖ్యంగా మీ ఇంటి ప్రధాన ద్వారం లేదా ప్రార్థనా స్థలం తప్పు దిశలో ఉంటే, వెండి నెమలిని ఉంచడం వల్ల ఆ దోషం ప్రభావం తగ్గుతుందని చెబుతున్నారు. వెండి నెమలి సంపదను మాత్రమే కాకుండా కుటుంబ సంబంధాలలో మాధుర్యాన్ని కూడా తెస్తుంది. దీనిని లివింగ్ రూమ్‌లో ఉంచడం వల్ల కుటుంబ సభ్యుల మధ్య ప్రేమ, అవగాహన పెరుగుతుంది. ఇది ఉద్రిక్తతలు, అపార్థాలను తొలగిస్తుందవి.. వెండి మెరుపు, నెమలి అందం ఇంట్లో సానుకూల వాతావరణాన్ని సృష్టిస్తాయి. ఇది శాంతిని కాపాడుతుంది.
నోట్ : ఈ వార్తలలో ఇవ్వబడిన సమాచారం మత విశ్వాసాలపై ఆధారపడి ఉంది. పాఠకుల ఆసక్తి మేరకు.. పలువురు పండితుల సూచనలు, వారి తెలిపిన అంశాల ఆధారంగా అందించినవి మాత్రమే.. వీటిలో ఎలాంటి శాస్త్రీయ ఆధారాలు లేవని పాఠకులు గమనించాలి. టీవీ9 తెలుగు దీనిని ధృవీకరించలేదు.
మరిన్ని ఆధ్యాత్మిక వార్తల కోసం ఇక్కడ క్లిక్ చేయండి..
