ఏ నెలలోనైనా 3, 12, 21 లేదా 30 తేదీలలో జన్మించినవారి మూల సంఖ్య 3 అవుతుంది. దీనికి పాలక గ్రహం బృహస్పతి. ఈ సంఖ్య వచ్చినవాళ్లు తెలివిగా ఉంటారు. చదువులో బాగా రాణించడమే కాకుండా.. ఇతర రంగాలలో కూడా మంచి అభివృద్ధి సాధిస్తారు.
ఈ సంఖ్యలో పుట్టిన పిల్లలకు జ్ఞాపకశక్తి చాలా ఎక్కువగా ఉంటుంది. వారు ఒకసారి చూసిన విషయాన్ని వెంటనే గుర్తుపెట్టుకుంటారు. మళ్లీ మర్చిపోవడం చాలా అరుదు. ఇది వారికి చదువులో మంచి ఉపయోగం అవుతుంది. ఇతర పిల్లలతో పోలిస్తే వారు త్వరగా విషయాలు నేర్చుకుంటారు.
3వ తేదీలో పుట్టిన పిల్లలు సృజనాత్మక ఆలోచనలతో ఉండటం ప్రత్యేకత. వారు సాధారణంగా కొత్తగా ఆలోచించగలగడం వల్ల, గణితం, సైన్స్, ఆర్ట్స్ లాంటి రంగాలలో కొత్త దారులు వెతకగలరు. వారి ఊహా శక్తి వారిని ప్రత్యేకంగా నిలబెడుతుంది.
ఈ సంఖ్యలో జన్మించిన పిల్లల ప్రవర్తన ఇతరులను ఆకర్షించే విధంగా ఉంటుంది. వారు మాట్లాడే శైలి వినసొంపుగా ఉంటుంది. ఎవరితోనైనా స్నేహంగా మెలగగలుగుతారు. బహిరంగంగా మాట్లాడే ధైర్యం ఉంటుంది. ఇది వారికి చిన్న వయస్సులోనే మంచి నెట్‌ వర్క్‌ ను ఏర్పరచడానికి సహాయం చేస్తుంది.
ఈ సంఖ్యలో పుట్టినవారికి పరిపాలనా ఉద్యోగాల్లో అవకాశాలు ఎక్కువ. ప్రభుత్వ రంగంలో స్థిరమైన ఉద్యోగం దక్కే అవకాశం ఉంటుంది. వారు పెద్దయ్యాక ఆదాయంలో ఎలాంటి ఇబ్బందులు ఎదుర్కోరు. సమయానుకూలంగా సంపద కూడా పెరుగుతుంది. చురుకుగా పనిచేసే వారు కావడం వల్ల ఎక్కడైనా గుర్తింపు పొందే అవకాశం ఎక్కువగా ఉంటుంది.
ఈ సంఖ్యలో పుట్టిన పిల్లల తెలివితేటలు గుర్తించి వారికి తగిన ప్రోత్సాహం ఇవ్వాలి. వారి ఆలోచనలకు అవకాశం కల్పించాలి. వారిలో ఉన్న సృజనాత్మకతను ముందుకు నడిపేందుకు మార్గం చూపాలి. అప్పుడే వారు జీవితంలో గొప్ప విజయాలు సాధించగలుగుతారు.
