https://www.profitableratecpm.com/i049cyqrff?key=1e8d0b68d6836b7589273debd4b47b9f
ఖమ్మం జిల్లా కొనిజర్లలోని చింతల సతీష్ తనకున్న చిన్న స్థలంలో కంటైనర్ ఇల్లు నిర్మించి స్థానికులను ఆకర్షిస్తున్నాడు. సుమారు 300 చదరపు అడుగుల స్థలంలో బేస్‌మెంట్ నిర్మించి, దానిపై ప్రీ-ఫ్యాబ్రికేట్ కంటైనర్ ఇల్లు ఫిట్ చేయించారు.
ఈ ఇల్లు కిచెన్, హాల్, సింగిల్ బెడ్ రూమ్, అటాచ్డ్ బాత్‌రూమ్ వంటివన్నీ కలిగి ఉండేలా ఆకర్షణీయమైన ఇంటీరియర్ డిజైన్‌తో తయారుచేశారు. సతీష్ ఈ ఇంటి నిర్మాణానికి రూ.6 లక్షలు ఖర్చు పెట్టగా.. జీఎస్జీ, రవాణా కలిపి అదనంగా రూ.లక్ష వెచ్చించాడు.
ఇల్లు– వాటర్, హీట్, ఫైర్ ప్రూఫ్‌గా ఉండి.. ఐదేళ్ల వారంటీతో అందించారు. 15 లక్షల రూపాయలతో సాధారణ భవనం నిర్మాణానికి సంవత్సరకాలం పట్టే చోట.. ఈ కంటైనర్ ఇల్లు నెల రోజుల్లోనే పూర్తయింది.
ఈ ఇల్లు హైదరాబాద్ దూలపల్లిలోని తయారీ కేంద్రం ద్వారా రెడీ చేశారు. అక్కడ కంటైనర్ ఇళ్లను వివిధ కొలతల్లో తయారు చేయిస్తారు. సింగిల్ బెడ్‌రూమ్, డబుల్ బెడ్‌రూమ్ వేరియంట్లతో పాటు వ్యక్తిగత అవసరాలకు అనుగుణంగా ఈ ఇళ్లను రూపొందించుకోవచ్చు.
కంటైనర్ ఇళ్ల నిర్మాణానికి తక్కువ వ్యయం, వేగవంతమైన ప్రాసెస్ కారణంగా గ్రామీణ ప్రాంత ప్రజలు వీటి వైపు ఆకర్షితులవుతున్నారు. యూట్యూబ్ వంటి ఆన్‌లైన్ వేదికల ద్వారా ఈ ఇళ్ల గురించి తెలుసుకొని.. కాంట్రాక్ట్ చేసే వారు పెరుగుతున్నారు.
సాధారణ ఇళ్లఅ నిర్మాణానికి ఉన్నట్లే అన్ని వెసులుబాట్లు ఉండటం… పెద్ద మొత్తంలో డబ్బు ఆదా ఉండటంతో రానున్న రోజుల్లో కంటైనర్ గృహాలకు డిమాండ్ మరింత పెరుగుతుందని అంచనా వేస్తున్నారు. తక్కువ ఖర్చుతో అన్ని సౌకర్యాలున్న ఇల్లు నిర్మించుకోవడం చాలా ఆనందంగా ఉందని ఈ ఇంటి యజమాని చెబుతున్నారు.
