Team India’s Australia White-Ball Tour: బోర్డర్-గవాస్కర్ ట్రోఫీలో పేలవ ప్రదర్శన కారణంగా టీమిండియా సిరీస్ ఓడిపోయింది. దీంతో టీమిండియా దిగ్గజ ఆటగాళ్లు విరాట్ కోహ్లీ, రోహిత్ శర్మలు ఇకపై ఆస్ట్రేలియా పర్యటనకు వెళ్లరని భావించిన క్రికెట్ అభిమానులకు శుభవార్త అందింది. క్రికెట్ ఆస్ట్రేలియా తన రాబోయే షెడ్యూల్‌ను ప్రకటించింది. ఇందులో టీమ్ ఇండియా ఆస్ట్రేలియా వైట్-బాల్ టూర్ కూడా ఉంది. ఇది అభిమానులకు ఎనలేని ఆనందాన్ని అందిస్తోంది. క్రికెట్ ఆస్ట్రేలియా విడుదల చేసిన షెడ్యూల్ ప్రకారం, భారత జట్టు 8 మ్యాచ్‌ల వైట్-బాల్ సిరీస్ కోసం ఆస్ట్రేలియాలో పర్యటిస్తుంది. ఈ ఏడాది అక్టోబర్-నవంబర్ నెలల్లో ఈ పర్యటన జరగనుంది. 3 మ్యాచ్‌ల వన్డే సిరీస్‌తో పాటు 5 మ్యాచ్‌ల టీ20ఐ సిరీస్ కూడా ఉంది.
8 నగరాల్లో 8 మ్యాచ్‌లు..
భారత ఆస్ట్రేలియా పర్యటన అక్టోబర్ 19 నుంచి ప్రారంభమై నవంబర్ 8 వరకు కొనసాగుతుంది. వైట్ బాల్ సిరీస్‌లోని మొత్తం ఎనిమిది మ్యాచ్‌లు ఆస్ట్రేలియాలోని 8 నగరాల్లో జరుగుతాయి. వన్డే సిరీస్‌లోని మూడు మ్యాచ్‌లు పెర్త్, అడిలైడ్, సిడ్నీలలో జరుగుతాయి. టీ20 సిరీస్ మ్యాచ్‌లు కాన్‌బెర్రా, మెల్బోర్న్, హోబర్ట్, గోల్డ్ కోస్ట్, బ్రిస్బేన్‌లలో జరుగుతాయి.
ఆస్ట్రేలియా పర్యటనలో విరాట్ కోహ్లీ, రోహిత్ శర్మ 3 మ్యాచ్‌ల వన్డే సిరీస్ ఆడటం చూడవచ్చు. ఈ ఇద్దరు ఆటగాళ్ళు టీ20 ఫార్మాట్ నుంచి రిటైర్మెంట్ ప్రకటించిన సంగతి తెలిసిందే. ఈ ఇద్దరు ఆటగాళ్ళు వన్డే సిరీస్‌లో మాత్రమే ఆడనున్నారు.
భారత ఆస్ట్రేలియా పర్యటన పూర్తి వివరాలు..
వన్డే సిరీస్..
అక్టోబర్ 19 – మొదటి వన్డే, పెర్త్ (డే అండ్ నైట్)
అక్టోబర్ 23 – రెండవ వన్డే, అడిలైడ్ (డే అండ్ నైట్)
అక్టోబర్ 25 – మూడవ వన్డే, సిడ్నీ (డే అండ్ నైట్)
టీ20 సిరీస్..
అక్టోబర్ 29 – మొదటి టీ20ఐ, కాన్‌బెర్రా
అక్టోబర్ 31 – రెండవ టీ20ఐ, మెల్బోర్న్
నవంబర్ 2 – 3వ టీ20ఐ, హోబర్ట్
నవంబర్ 6 – 4వ టీ20ఐ, గోల్డ్ కోస్ట్
నవంబర్ 8 – 5వ టీ20ఐ, బ్రిస్బేన్.
మరిన్ని క్రీడా వార్తల కోసం ఇక్కడ క్లిక్ చేయండి..
