దిన ఫలాలు (ఆగస్టు 16, 2025): మేష రాశి వారికి ఉద్యోగంలో అధికార యోగానికి అవకాశం ఉంది. వృషభరాశి వారికి వ్యాపారాల్లో పోటీదార్ల మీద పైచేయి సాధించే అవకాశముంది. మిథున రాశికి చెందిన నిరుద్యోగులకు మంచి కంపెనీల నుంచి ఆఫర్లు అందే అవకాశముంది. మేష రాశి మొదలు మీన రాశి వరకు 12 రాశుల వారికి శనివారంనాటి రాశిఫలాలు ఎలా ఉన్నాయంటే..?
మేషం (అశ్విని, భరణి, కృత్తిక 1)
ఉద్యోగంలో అధికార యోగానికి అవకాశం ఉంది. వృత్తి జీవితంలో డిమాండ్ బాగా పెరుగుతుంది. వ్యాపారులు అంచనాలకు మించి లాభాలు గడిస్తారు. ఏ ప్రయత్నం తలపెట్టినా విజయవంతం అవుతుంది. ఉద్యోగ ప్రయత్నాలు, ఆర్థిక ప్రయత్నాలు తప్పకుండా సఫలం అవుతాయి. ఎదురు చూస్తున్న శుభ వార్తలు వింటారు. ఆర్థిక పరిస్థితి మెరుగ్గా ఉంటుంది. ఒకటి రెండు ఆర్థిక సమ స్యలు పరిష్కారమవుతాయి. ఆకస్మిక ధన లాభం ఉంది. ప్రేమ వ్యవహారాలు హ్యాపీగా సాగిపోతాయి.
వృషభం (కృత్తిక 2,3,4, రోహిణి, మృగశిర 1,2)
వృత్తి, ఉద్యోగాల్లో ప్రాధాన్యం పెరుగుతుంది. అధికారులు ఎక్కువగా మీ మీద ఆధారపడే అవకాశం ఉంది. వృత్తి జీవితం బిజీగా సాగిపోతుంది. వ్యాపారాల్లో పోటీదార్ల మీద పైచేయి సాధిస్తారు. ఉద్యోగ ప్రయత్నాలు సానుకూలంగా ఉంటాయి. బంధువర్గంలో పెళ్లి సంబంధం కుదరవచ్చు. అనేక మార్గాల్లో ఆదాయం బాగా పెరుగుతుంది. గృహ, వాహన ప్రయత్నాలు అనుకూలంగా ఉంటాయి. స్వల్ప అనారోగ్య సూచనలున్నాయి. ప్రేమ వ్యవహారాల్లో సఖ్యత, సాన్నిహిత్యం వృద్ధి చెందుతాయి.
మిథునం (మృగశిర 3,4, ఆర్ద్ర, పునర్వసు 1,2,3)
సామాజికంగా గౌరవ మర్యాదలు వృద్ధి చెందుతాయి. ఒక విధమైన రాజయోగాన్ని అనుభవించడం జరుగుతుంది. ఏ ప్రయత్నం తలపెట్టినా సఫలమవుతుంది. వృత్తి, వ్యాపారాల్లో కీలకమైన మార్పులు చేపట్టి లబ్ధి పొందుతారు. ఉద్యోగంలో అధికార యోగానికి అవకాశం ఉంది. నిరుద్యోగులకు మంచి కంపెనీల నుంచి ఆఫర్లు అందుతాయి. వ్యక్తిగత సమస్యలు తగ్గుముఖం పడతాయి. కుటుంబంలో ఆనందోత్సాహాలకు లోటుండదు. ప్రేమ వ్యవహారాలు కొత్త పుంతలు తొక్కుతాయి.
కర్కాటకం (పునర్వసు 4, పుష్యమి, ఆశ్లేష)
వృత్తి, ఉద్యోగాలలో శుభ పరిణామాలు చోటు చేసుకుంటాయి. పదోన్నతి లభించే అవకాశం ఉంది. ఆశించిన స్థాయిలో జీతభత్యాలు పెరుగుతాయి. కుటుంబంతో కలిసి ఇష్టమైన ఆలయాలను సందర్శిస్తారు. వ్యాపారాల్లో లాభాలు పెరుగుతాయి. ఆదాయం బాగా వృద్ధి చెందుతుంది. కుటుంబ పెద్దల జోక్యంతో తోబుట్టువులతో ఆస్తి వివాదం పరిష్కారం అవుతుంది. ఆరోగ్యం మీద శ్రద్ధ పెట్టాల్సి ఉంటుంది. ఒకటి రెండు శుభ వార్తలు వింటారు. ప్రేమ వ్యవహారాలు సాఫీగా సాగుతాయి.
సింహం (మఖ, పుబ్బ, ఉత్తర 1)
వృత్తి, ఉద్యోగాలు ప్రోత్సాహకరంగా సాగిపోతాయి. వ్యాపారాల్లో లాభాలు పెరుగుతాయి. ఆదాయం నిలకడగా ఉంటుంది. శ్రమ తక్కువ ఫలితం ఎక్కువగా ఉంటుంది. కొత్త ఉద్యోగ ప్రయత్నాలు ఫలిస్తాయి. అనుకోకుండా మంచి వివాహ సంబంధం కుదిరే అవకాశం ఉంది. పిల్లలు బాగా వృద్ధి లోకి వస్తారు. ఆదాయ వృద్ధి ప్రయత్నాలకు సమయం అనుకూలంగా ఉంది. జీవిత భాగస్వామితో అన్యోన్యత పెరుగుతుంది. విద్యార్థులకు శ్రమ తప్పకపోవచ్చు. ప్రేమ వ్యవహారాలు అనుకూలంగా ఉంటాయి.
కన్య (ఉత్తర 2,3,4, హస్త, చిత్త 1,2)
ఉద్యోగంలో సానుకూల పరిస్థితులు ఏర్పడతాయి. అధికారులు మీ మీద ఎక్కువగా ఆధార పడతారు. వృత్తి, వ్యాపారాలు లాభదాయకంగా సాగిపోతాయి. ఆశించిన స్థాయిలో ఆర్థిక పురోగతి ఉంటుంది. ఆదాయం బాగా వృద్ధి చెందుతుంది కానీ, అనవసర ఖర్చుల వల్ల ఇబ్బంది పడతారు. వృత్తి ఉద్యోగాల్లో సహోద్యోగుల నుంచి ఇబ్బందులుంటాయి. వ్యాపారాల్లో పోటీదార్లు సమస్యలు సృష్టించే అవకాశం ఉంది. ఆరోగ్యం పట్ల శ్రద్ధ తీసుకోవాలి. ప్రేమ వ్యవహారాల్లో సఖ్యత పెరుగుతుంది.
తుల (చిత్త 3,4, స్వాతి, విశాఖ 1,2,3)
ఉద్యోగంలో కొన్ని ముఖ్యమైన మార్పులు చోటు చేసుకుంటాయి. ఒకటి రెండు శుభ పరిణామాలు సంభవిస్తాయి. వృత్తి, ఉద్యోగాల్లోనే కాక, సామాజికంగా కూడా గౌరవాభిమానాలు పెరుగుతాయి. వ్యాపారం బాగా కలిసి వస్తుంది. కుటుంబ సభ్యుల మీద ఖర్చులు పెరుగుతాయి. ఆశించిన శుభవార్తలు వింటారు. ఆర్థిక ప్రయత్నాలు ఆశించిన దాని కంటే ఎక్కువగా సఫలం అవుతాయి. ఆర్థిక, వ్యక్తిగత సమస్యలు బాగా తగ్గుముఖం పడతాయి. ప్రేమ వ్యవహారాల్లో దూసుకుపోతారు.
వృశ్చికం (విశాఖ 4, అనూరాధ, జ్యేష్ట)
వృత్తి, ఉద్యోగాల్లో బాగా ప్రాధాన్యం పెరుగుతుంది. వ్యాపారాల్లో కొద్దిగా నష్టాలు తగ్గుతాయి. ఆశిం చిన స్థాయిలో ఆదాయం వృద్ధి చెందుతుంది. ఆర్థికంగా ఎవరికీ వాగ్దానాలు చేయవద్దు. ఇతరుల విషయాల్లో జోక్యం చేసుకోవద్దు. సొంత పనుల మీద శ్రద్ధ పెట్టడం మంచిది. ఆరోగ్యానికి లోటు ఉండదు. కుటుంబ జీవితం సామరస్యంగా సాగిపోతుంది. ప్రయాణాలను వాయిదా వేసుకోవడం మంచిది. పిల్లలు కొద్ది శ్రమతో ఉత్తమ ఫలితాలు సాధిస్తారు. ప్రేమ వ్యవహారాలు సాఫీగా సాగుతాయి.
ధనుస్సు (మూల, పూర్వాషాఢ, ఉత్తరాషాఢ 1)
వృత్తి, ఉద్యోగాలు సాఫీగా, సానుకూలంగా సాగిపోతాయి. శ్రమాధిక్యత ఉన్నా ప్రతిఫలం ఉంటుంది. కుటుంబంలో శుభ పరిణామాలు చోటు చేసుకుంటాయి. పెళ్లి ప్రయత్నాల్లో ఆశించిన శుభవార్తలు వింటారు. వ్యాపారాల్లో లాభాలకు, కార్యకలాపాలకు లోటుండదు. ఆర్థిక పరిస్థితి గతం కంటే బాగా మెరుగుపడుతుంది. ఆదాయం బాగానే వృద్ధి చెందుతుంది. ఆరోగ్యం బాగానే ఉంటుంది. ఉద్యోగ, పెళ్లి ప్రయత్నాలకు సానుకూల స్పందన లభిస్తుంది. ప్రేమ వ్యవహారాలు ఉత్సాహంగా సాగిపోతాయి.
మకరం (ఉత్తరాషాఢ 2,3,4, శ్రవణం, ధనిష్ట 1,2)
ఉద్యోగ జీవితం అనుకూలంగా సాగిపోతుంది. వృత్తి జీవితంలో డిమాండ్ పెరుగుతుంది. వ్యాపారాల్లో లాభాలు ఆర్జిస్తారు. అనుకున్న పనులు అనుకున్నట్టు పూర్తవుతాయి. మనసులోని ఒకటి రెండు కోరికలు నెరవేరుతాయి. ఆశించిన స్థాయిలో ఆదాయ వృద్ధి ఉంటుంది. ఇంటా బయటా గౌరవ మర్యాదలకు లోటుండదు. ఆరోగ్యం బాగానే ఉంటుంది. కుటుంబ జీవితం హ్యాపీగా సాగిపోతుంది. జీవిత భాగస్వామితో అన్యోన్యత పెరుగుతుంది. ప్రేమ వ్యవహారాలు సాదాసీదాగా సాగిపోతాయి.
కుంభం (ధనిష్ట 3,4, శతభిషం, పూర్వాభాద్ర 1,2,3)
వృత్తి, వ్యాపారాల్లో ఆశించిన లాభాలు పొందుతారు. ఉద్యోగ జీవితంలో సమర్థతకు మంచి గుర్తింపు లభిస్తుంది. ఆదాయం నిలకడగా ఉంటుంది. వృథా ఖర్చులు తగ్గించుకోవడం మంచిది. ఆహార, విహారాల్లో జాగ్రత్తగా ఉండాలి. ప్రయాణాలు లాభిస్తాయి. బంధువుల నుంచి శుభవార్తలు వింటారు. ఉద్యోగ, పెళ్లి ప్రయత్నాలు సఫలమవుతాయి. మిత్రుల సహాయంతో ముఖ్యమైన వ్యవహారాలు పూర్తి చేస్తారు. ఇతరుల విషయాల్లో తలదూర్చవద్దు. ప్రేమ వ్యవహారాలు హుషారుగా సాగిపోతాయి.
మీనం (పూర్వాభాద్ర 4, ఉత్తరాభాద్ర, రేవతి)
వృత్తి, ఉద్యోగాల్లో ప్రాధాన్యం, ప్రాభవం పెరుగుతాయి. బరువు బాధ్యతలు కూడా ఎక్కువగానే ఉంటాయి. ఉద్యోగ ప్రయత్నాలు సఫలం అవుతాయి. వ్యాపారాల్లో అంచనాలకు మించి లాభాలు పెరుగుతాయి. ఆర్థికంగా ఎవరికీ వాగ్దానాలు చేయడం గానీ, హామీలు ఉండడం గానీ చేయవద్దు. ప్రముఖులతో సాన్నిహిత్యం పెరుగుతుంది. కుటుంబానికి సంబంధించి ఒక శుభ పరిణామం సంభవిస్తుంది. ఆరోగ్యం మీద శ్రద్ధ పెట్టాలి. ప్రేమ వ్యవహారాల్లో కొద్దిగా అపార్థాలు తలెత్తుతాయి.
