బార్లీ నీటిలో ఫైబర్,యాంటీఆక్సిడెంట్లు వంటివి పోషకాల పుష్కలంగా ఉంటాయి. అందువలన ఇది కడుపు సంబంధ సమస్యలను తగ్గించి, జీర్ణక్రియ మెరుగు పడేలా చేస్తుంది. ప్రతి రోజూ బార్లీ నీళ్లు తాగడం వలన ఇది గుండెల్లో మంట, గ్యాస్, మలబద్ధకం వంటి సమస్యల నుంచి ఉపశమనం కలిగేలా చేస్తుంది. అంతే కాకుండా మూత్ర పిండాల పనితీరుకు దోహదం చేస్తుంది. మూత్ర పిండాల సమస్యతో బాధపడే వారు ప్రతి రోజూ బార్లీ నీళ్లు తీసుకోవడం ఆరోగ్యానికి చాలా మంచిదట.ఈ నీటిని ప్రతి రోజూ తాగడం వలన ఇది శరీరంలోని హానికరమైన పదార్థాలను తొలిగించి, శరీరాన్ని డిటాక్సిఫై చేస్తుంది. అంతే కాకుండా మూత్రపిండాల పనితీరును మెరుగు పరిచి,కిడ్నీ ఇన్ఫెక్షన్స్, మూత్ర పిండాల్లో రాళ్ల వంటి సమస్యల నుంచి కాపాడుతుంది. గుండె ఆరోగ్యానికి బార్లీ నీళ్లు చాలా మంచివి. ఇవి రక్తపోటును అదుపులో ఉంచి, గుండె ఆరోగ్యాన్ని మెరుగుపరుస్తాయి. వీటిని ప్రతి రోజూ తాగడం వలన గుండె సమస్యల భయమే ఉండదు అని చెబుతున్నారు ఆరోగ్య నిపుణులు. డయాబెటీస్‌తో బాధపడే వారు ఈ నీటిని తమ డైట్‌లో చేర్చుకోవడం వలన ఇది వ్యాధిని తగ్గిస్తుంది. రక్తంలోని చక్కెర స్థాయిలను నియంత్రించడంలో కీలక పాత్ర పోషిస్తుంది. అందుకే, మధుమేహ వ్యాధి గ్రస్తులు ప్రతి రోజూ ఉదయం ఒక గ్లాస్ బార్లీ నీటిని తాగితే మంచిదంటున్నారు వైద్య నిపుణులు.
మరిన్ని వీడియోల కోసం :
