https://www.profitableratecpm.com/i049cyqrff?key=1e8d0b68d6836b7589273debd4b47b9f
బాహుబలి.. ఈ పేరుకు ప్రత్యేకంగా పరిచయాలు అవసరమా చెప్పండి..? ప్రభాస్, రాజమౌళి కలిసి చేసిన ఈ యజ్ఞంతో ఇండియన్ సినిమా ముఖచిత్రమే మారిపోయింది. బాహుబలి వచ్చి అప్పుడే పదేళ్లైపోయింది.
జులై 10, 2015న విడుదలైన బాహుబలి సృష్టించిన రికార్డులెన్నో..! ముఖ్యంగా కల అనుకున్న చాలా రికార్డులను.. చాలా ఈజీగా దాటేసింది ఈ చిత్రం.ఒకటి రెండు కాదు.. ఊహకందని రికార్డులెన్నో సెట్ చేసింది బాహుబలి.
నిజానికి ఈ సినిమా చేస్తున్నపుడు రాజమౌళిని ఎంకరేజ్ చేసిన వాళ్లకంటే.. భయపెట్టిన వాళ్లే ఎక్కువ. ఇంత బడ్జెట్ వర్కవుట్ అవ్వదు.. ఏ ధైర్యంతో ఈ సినిమా చేస్తున్నారంటూ ఆయన్ని డిస్కరేజ్ చేసారు. కానీ ఎవరి ఊహకు అందని విధంగా ఈ సినిమాను రూపొందించి.. బాహుబలిని ఇండియన్ సినిమాకు ఐకాన్ చేసారు.
పదేళ్ళ కిందే ఎన్నో రికార్డులను తిరగరాసింది బాహుబలి. ఈ సినిమా వచ్చాకే.. నాన్ బాహుబలి అనే కేటగిరీ కూడా వచ్చింది. 2015లోనే బాహుబలి తెలుగు వర్షన్ ప్రపంచ వ్యాప్తంగా 150 కోట్లకు పైగా షేర్.. 240 కోట్లకు పైగా గ్రాస్ వసూలు చేసింది. ప్యాన్ ఇండియన్ కల్చర్‌కు తెర తీసింది కూడా బాహుబలే. హిందీలో అప్పట్లోనే 100 కోట్లకు పైగా వసూలు చేసింది ఈ చిత్రం.
బాహుబలి విడుదలైన రోజు తెలుగులో నెగిటివ్ టాక్ వచ్చింది.. అంతా ఫ్లాప్ అన్నారు. కానీ రాజమౌళి విజన్.. ప్రభాస్ క్రేజ్ ముందు ఈ టాక్ నిలబలేదు. తొలిరోజు నుంచే రికార్డులు సృష్టిస్తూ.. అందనంత ఎత్తులో నిలిచింది ఈ సినిమా. పదేళ్ళ కిందే ప్రపంచ వ్యాప్తంగా 580 కోట్లకు పైగా గ్రాస్.. 300 కోట్ల షేర్ వసూలు చేసి.. ఆల్ టైమ్ బ్లాక్‌బస్టర్‌గా నిలిచింది.
