అహ్మదాబాద్‌లోని చంద్‌ఖేడా ప్రాంతంలో ఒక షాకింగ్ సంఘటన వెలుగులోకి వచ్చింది. ఇక్కడ నివసిస్తున్న ఒక యువతి భవనం 14వ అంతస్తు నుంచి దూకి ఆత్మహత్య చేసుకుంది. అందిన సమాచారం ప్రకారం.. ఆ అమ్మాయి మోహిత్ మక్వానా అనే యువకుడితో ప్రేమలో ఉంది. మోహిత్, అతని స్నేహితులలో ఒకరు కలిసి ఆ అమ్మాయిని అశ్లీల వీడియో చేసి బ్లాక్ మెయిల్ చేయడం ప్రారంభించారని ఆరోపణలు ఉన్నాయి. ఈ వీడియోకు సంబంధించి ఆ అమ్మాయి గతంలో సోలా పోలీస్ స్టేషన్‌లో ఫిర్యాదు చేసింది. ఆమె ప్రియుడు మోహిత్ సమక్షంలోనే పోలీసులు ఆ వీడియోను తొలగించారని తెలిసింది.
అయితే ఆ తర్వాత కూడా నిందితుడు ఆ అమ్మాయిని మళ్లీ బ్లాక్‌మెయిల్ చేస్తూనే ఉన్నాడు. అంతకుముందు ఆ అమ్మాయి తన ప్రేమికుడికి రూ.6,000 ఇచ్చి, తన బంగారు గొలుసును కూడా ఇచ్చింది. కానీ అతని వేధింపులు ఆగకపోవడంతో ధైర్యం కోల్పోయి చివరికి ప్రాణాలు తీసుకున్నట్లు పోలీసులు అనుమానిస్తున్నారు. పోలీసులు ఇప్పటికే ఈ ఘటనపై కేసు నమోదు చేసుకొని.. దర్యాప్తు చేపట్టారు. ఈ ఘటనకు సంబంధించి మరిన్ని వివరాలు తెలియాల్సి ఉంది.
మరిన్ని క్రైమ్ వార్తల కోసం ఇక్కడ క్లిక్ చేయండి
