ముల్లంగిలో ఫైబర్, ఐరన్, కాల్షియం, పొటాషియం, భాస్వరం, విటమిన్ ఎ, విటమిన్ సి, విటమిన్ ఇ, యాంటీ ఫంగల్, యాంటీ బాక్టీరియల్ లక్షణాలు సమృద్ధిగా లభిస్తాయి.. ఇందులో అధిక మొత్తంలో నీరు ఉంటుంది. అయితే, మనం పొరపాటున కూడా ముల్లంగితో కలిపి తినకూడని ఆహారాలు కొన్ని ఉన్నాయి. వాటిని తినటం వల్ల మీరు అనారోగ్యానికి గురికావాల్సి వస్తుంది. అలాంటి ఆహారాల గురించి ఇక్కడ వివరంగా తెలుసుకుందాం..
కాకరకాయ తినవద్దు:
ఆరోగ్య నిపుణుల అభిప్రాయం ప్రకారం, కాకరకాయను ముల్లంగితో ఎప్పుడూ తినకూడదు. కాకరకాయ, ముల్లంగిలో ఉండే సహజ మూలకాలు శరీరంలో చర్య జరుపుతాయి. ఇది శ్వాస తీసుకోవడంలో సమస్యలను కలిగిస్తుంది.
ఇవి కూడా చదవండి
ముల్లంగి, పాలు కలిపి తీసుకోవడం ప్రమాదకరం:
ముల్లంగి తిన్న వెంటనే పాలు తాగడం వల్ల కడుపు సమస్యలు, గుండెల్లో మంట, ఆమ్లత్వం మొదలైన సమస్యలు వస్తాయి. ముల్లంగి తిన్న రెండు గంటల తర్వాత మాత్రమే పాలు తాగాలి.
ముల్లంగి తిన్న తర్వాత టీ తాగవద్దు:
ముల్లంగి తిన్న తర్వాత టీ తాగే పొరపాటు చేయకూడదు. ముల్లంగి స్వభావం చల్లగా ఉంటుంది మరియు టీ స్వభావం వేడిగా ఉంటుంది కాబట్టి ఇది ఆమ్లత్వం మరియు మలబద్ధకం సమస్యలను కలిగిస్తుంది.
నారింజ పండ్లు తినే పొరపాటు చేయకండి:
నారింజ పండ్లను ముల్లంగితో లేదా దాని తర్వాత తినకూడదు. ఈ రెండింటి కలయిక ఒక విషపూరిత పదార్థంగా పరిగణించబడుతుంది. వాటిని కలిపి తినడం వల్ల కడుపు సమస్యలు వస్తాయి.
ముల్లంగితో దోసకాయ తినడం మానుకోండి:
ప్రజలు తరచుగా సలాడ్‌లో ముల్లంగితో దోసకాయను కలిపి తింటారు. కానీ ఈ కలయిక మీ ఆరోగ్యాన్ని పాడు చేస్తుంది. ఇలా చేయకుండా ఉండటం మంచిది.
(NOTE: ఇంటర్నెట్‌లో సేకరించిన సమాచారం ఆధారంగా ఈ వివరాలు మీకు అందించటం జరిగింది… ప్రయత్నించేముందు సంబంధిత నిపుణుల సలహాలను పాటించవలసిందిగా మనవి. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు TV9 Telugu.com బాధ్యత వహించదు.)
మరిన్ని జీవనశైలి వార్తల కోసం ఇక్కడ క్లిక్ చేయండి.
